Gaur goizean Ordizian Elkarteak udaberriko kanpaina berria aurkeztu du: 'Ordizian Erein, Ordizian Loratuz'. Saltokiko jarduera komertziala dinamizatzea helburu, herriko denda txikietan erostean 20.000 txartel banatuko dituzte, 3.000 euroko sariekin. Sariak 20, 10 eta 5 euroko txarteletan egongo dira banatuta eta saridunak izan ez diren txartelen artean 300€ ko erosketa-txartela zozkatuko da. Zozketa honetan parte hartzeko, sariduna izan ez diren txartelak Ordizian-eko bulegora eraman beharko dira beteta maiatzaren 8ko 13:00ak baino lehen.
Establezimenduek kanpaina irauten duen bitartean banatuko dituzte txartelak eta txartela bana banatuko dute erosketa bakoitzean. Beraz, zenbat eta gehiagotan erosi, orduan eta aukera gehiago izango dituzue saridun txartela lortzeko.
Kanpaina Ordiziako Udalaren eta Eusko Jaurlaritzaren laguntzarekin garatu da eta Tokiko Merkataritza Txikiari Laguntzeko Programaren barruan dago eta negozio txikien salmentak suspertzea eta dinamizatzea du helburu, tokian tokikoarekin konpsomiso soziala eta enpresariala oinarri hartuta.