Goizeko 9:30etan Lierniatik abiatu eta Barnaola eta Troi Bidea gurutzatuz, Mutiloan tailer gastronomikoa egingo dute. Ibilaldian zehar, Clara Gutierrez biologoak eta etnobotanikoak aurkituko diren landareen eta loreen ezaugarriak azalduko ditu eta tailerrean erabiliko dituztenak bilduz joango dira. Bertan, bildutakoak ezagutu, sukaldatu eta dastatuko dituzte eta arratsaldeko 15:30etan itzuliko dira.
Ibilbideak 5 kilometro ditu, jarduera helduentzat zuzenduta dago eta 3€ko tarifa izango du. Izen-ematea mzumalakarregi@gipuzkoa.eus helbide elektronikora idatzita egin beharko da eta plaza mugatuak izango dira.
